Əməkdaşlar

Turana Axundova sığorta sahəsində on ildən çox təcrübəsi olan peşəkar mütəxəssisdir. Hazırda o, Azərbaycan Sığortaçılar Assosiasiyasının (ASA) İcraçı direktorunun müavini vəzifəsində çalışır. Bu vəzifədə Turana, assosiasiyanın gündəlik fəaliyyətini nəzarətdə saxlayır, strateji təşəbbüsləri həyata keçirir və Azərbaycanın sığorta sektorunun inkişafını dəstəkləyən tərəfdaşlıqlar qurur.

Turana, Gəncə şəhərində anadan olub, Xəzər Universitetinin Humanitar və Sosial Elmlər fakültəsində ali təhsil almış və təhsilini ABŞ-ın Nyu-Hempşir Universitetində tələbə mübadiləsi proqramı vasitəsilə genişləndirmişdir.

Karyerasına AXA Sığorta şirkətində başlayan Turana, burada tezliklə Sığorta Hadisələrinin İdarə Edilməsi üzrə Mütəxəssis vəzifəsindən Keyfiyyətə Nəzarət üzrə Şöbə Rəhbəri vəzifəsinə yüksəlmişdir. Daha sonra Atəşgah Sığorta şirkətində Sığorta Hadisələrinin İdarə Edilməsi Şöbəsinin rəhbəri olaraq şirkətin müştəri məmnuniyyətini təmin etmişdir

Turana, 2021-ci ildə ASA-ya Hüquqşünas kimi qoşulmuş, Azərbaycan Mərkəzi Bankı və Ümumrusiya Sığortaçılar İttifaqı, Qlobal Sığorta Assosiasiyaları Federasiyası (GFİA) kimi beynəlxalq tərəfdaşlarla sıx əməkdaşlıq etmişdir. Bu vəzifədə əldə etdiyi nailiyyətlər 2023-cü ildə İcraçı direktorun müavini vəzifəsinə yüksəlməsinin əsasını qoymuşdur.

Turana, sığorta əməliyatları, qanunvericiliyin uyğunluğu və keyfiyyətə nəzarət sahəsindəki peşəkarlığı və sığorta sahəsində dəyərli əlaqələr qurma bacarığı ilə tanınır. O, ASA-nın Azərbaycanın sığorta sektorunu gücləndirmək və qlobal əməkdaşlığı təşviq etmək missiyasına əhəmiyyətli töhfələr verməyə davam edir.

Turana ailəlidir, bir övladı var, Bakı şəhərində yaşayır.